شرح تعديل على رسايل [GM]

طبعا كلنا عارفين الرسايل الاوتوماتيك الى بتظهر على السيرفر الى هى زى دى [GM]
وبيتكتب جنبيها الرساله الى بتظهر اوتوماتيك وطبعا عند معظمنا ( مش كل الناس يعنى ) بتظهر غير مترجمه وبتخلى منظر السيرفر وحش
هنبدأ بقى ندخل على برنامج الـ navicate وبعدين نروح على cq_action هنلاقى تحت على اليمين وانت داخل ارقام الصفحات .. فى الاول هنجيب الصفحه رقم 14 وندور على الـ ID رقم 1020000
وتمشى مع الصف بتاعه وتروح على خانه الـ param وتمسح الى فيها وتكتب الى انت عاوزه لأنى معرفش الترجمه هتبقى ايه بالظبط فأنت تكتب مثلا حاجه شخصيه لسيرفرك مثلا welcome everyone او تكتب عنوان الموقع بتاعك او تحذير للى هيلعب بى سبيد ... الخ . ودى صورة لطريقه تغير اول رساله ..
نيجى لتانى وتالت رساله هتغير رقم الصفحه من 14 لـ الصفحه رقم 50 وتدور على الـ ID رقم 7592907 وتمشى مع الصف لغايه خانه الـ param وتمسح الى فيها وتكتب برده اى حاجه انت عاوزها لسيرفرك وبعد كده فى نفس الصفحه هتروح لـ ID رقم 7592910 وتعمل نفس الحكايه فى خانه الـ param وتكتب الى انت عاوزه .. وادى صوره للتوضيح ..
نيجى بقى للرساله الرابعه والخامسه هتغير رقم الصفحه من 50 لـ الصفحه رقم 52 وتدور على الـ ID رقم 8500013 وتروح على خانه الـ param وتمسح الى فيها وتكتب اى حاجه انت عاوزها وفى نفس الصفحه دى تدور على الـ ID رقم 8500023 وتعمل نفس الكلام فى خانه الـ param .. وادى صورة التوضيح ..
وكده تكون خلصت الـ 5 رسايل الى بيطلعو اتوماتيك على السيستم وعلى فكره الحاجات دى مش منقوله عشان انا كنت باخد كوبى من الشات لوج الكلام الى بيتكتب على السيستم وبدور فى الـ 55 صفحه الى فى cq-action لغايه ما اتعميت وفعلا اتأكد ان هما 5 رسايل بس ومظهرش حاجه تانى مش مترجمه .. وال 5 رسايل الى كتبتهم ظهرو كلهم على السيرفر .
ملحوظه : وانت بتكتب الكلام الى انت عاوزه فى خانه الـ param اعمل مسافه عادى بين كل كلمه يعنى متعملش العلامه دى ~ بين كل كلمه ..
وكده يبقى خلاويص .. رستر السيرفر وافتح واستنى الرسايل الى بتظهر هتلاقيها زى ما انت كتبت بالظبط ..